Ölkəyə 1,5 litrdən çox alkoqollu içki, 200-dən artıq siqaret gətirsəniz vergi ödəməli olacaqsınız

Azərbaycanda fərdi istehlak üçün gətirilən vergidən azad alkoqollu içkinin və siqaretin həcmi azaldılır.

Bunu Qafqazinfoya maliyyə naziri Samir Şərifov deyib.

Dəyişiklikdə nə var: Vergi Məcəlləsinə dəyişikliyə əsasən fiziki şəxsin fərdi istehlakı üçün ölkəyə gətirdiyi 1,5 litr alkoqollu içki, 200 ədəd siqaret aksiz vergisindən azaddır.

İndi necə idi: Mövcud qanunvericiliyə görə, fiziki şəxslər idxal olunan 3 litr alkoqollu içki, 600 ədəd siqaretə görə aksizdən azad idilər.