İlkin Rüstəmzadə həbsxanada suyun olmadığını deyir

Foto: Əziz Kərimov

“13 saylı cəzaçəkmə müəssisəsində nə içmək üçün, nə də digər ehtiyaclara istifadə etmək üçün su yoxdur”.

Bu sözləri 5 ildir həbsdə olan İlkin Rüstəmzadə anası Atlas Hüseynova ilə telefonla danışan zaman deyib. “Gözətçi”yə danışan Atlas Hüseynova həbsxana daxilindəki mağazada belə suyun bir-bir satıldığını deyib.

“Cəzaçəkmə müəssisəsinə deyilsə də bununla bağlı tədbir görülməyib. Havanın ağır şəraitinə baxmayaraq axşam saat 10-dan hamını öz “barak”larına salırlar, içəridə isə ayaqyolunun qoxusundan oturmaq mümkün deyil”, – deyə Atlas Hüseynova bildirib.

İlkin niyə həbsdədir: İlkin Rüstəmzadə “Əsgər ölümlərinə son” aksiyalarının təşkilatçısı olub. Onunla birgə NİDA vətəndaş hərəkatının 7 üzvü də həbs edilib. Həmin 7 üzv azadlıqda olsa da İlkin Rüstəmzadə hələ də həbsdədir. O, 8 il azadlıqdna məhrum edilib.

Vicdan məhbusu: Beynəlxalq Amnesty İnternational təşkilatı fəalı “vicdan məhbusu” kimi tanınıb.

Şərhini yaz

Şərhinizi yazın
Adınızı daxil edin