İlqar Məmmədov: Avropa Parlamenti İlham Əliyevə məni həbsdə saxlamağa imkan verir

İlqar Məmmədov “Azad Fikir Universiteti”ndə mühazirə deyir. Foto: AFU / facebook

REAL Partiyasının sədri İlqar Məmmədov həbsdən məktub göndərib. O, Avropa Parlamentinin son qətnaməsini tənqid edir və faktiki olaraq Avropa Birliyinin İlham Əliyevə onu həbsdə qalamağına imkan verdiyini yazır.

Avropa Parlamentinin mən də daxil olmaqla Azərbaycanda siyasi məhbusların buraxılmayacağı təqdirdə Azərbaycanla Avropa Birliyi arasında imzalanması planlaşdırılan Sazişi ratifikasiya etməyəcəyi ilə bağlı mövqeyi qənaətbəxş deyil.

Belə ki, Avropa Parlamenti mənim işimlə bağlı 2013 və 2014-cü illərdə qətnamələr qəbul edərək dərhal və qeyd-şərtsiz azadlığa buraxılmağıma çağırıb. Avropa Parlamentinin hazırkı qətnaməsi əvvəlki mövqeyindən geri çəkilmək anlamına gəlir. Çünki, ən optimist Avropa Birliyi rəsmisi Sazişin ən yaxşı halda 2019-cu ilin payızında imzalanacağını proqnozlaşdırır. Sazişin ratifikasiyası da hər bir halda 2020-ci ilə təsadüf edəcək. Bununla da, Avropa Parlamenti faktiki olaraq İlham Əliyevə məni 2020-ci ilin fevralına, yəni mənə verilmiş saxta cəza müddətinin sonuna qədər həbsdə saxlamağa imkan yaratmış oldu.

Avropa Parlamenti təslim oldu, mən isə təslim olmayacağam!

  • İlqar Məmmədov 2013-cü ilin yanvarında İsmayıllı hadisələrin ilə bağlı həbs olunub. Kütləvi iğtişaşların təşkilində ittiham edilərək, 7 il azadlıqdan məhrum edilib.

  • Avropa İnsan Hüquqları Məhkəməsinin onun həbsdən azad olunması ilə bağlı qərarı hələ də icra edilmir.

Şərhini yaz

Şərhinizi yazın
Adınızı daxil edin