Almaniya hökuməti “almaniyalı osmanlılar”ın fəaliyyətini qadağan etdi

Almaniyanın daxili işlər naziri Horst Seehofer “Almaniyalı Osmanlılar” adlı qruplaşmanın fəaliyyətinin qanunla qadağan edildiyini açıqlayıb. Sputnik Türkiyə yazır ki, qərarın səbəbi adıçəkilən qruplaşmanın fərdi hüquqlar və ictimaiyyət üçün təhlükəli olmağı ilə açıqlanıb. Nazirliyin yaydığı açıqlamada qeyd olunub ki, qanunu pozanlar tolerantlıq gözləməməlidir.

Almaniyalı Osmanlılar kimdir: Almaniyada fəaliyyət göstərən qruplaşmanın daxili qaydaları və üzvlüyə qəbul ritualları var. Qrupun əsas gəlirinin narkotik və qadın alveri olduğu bildirilir. Həmçinin Türkiyənin hakim Ədalət və İnkişaf Partiyasının xarici əlaqələr üzrə müdir müavini Metin Külünkün onlara bir neçə dəfə maddi yardım etdiyi də iddia edilir.