“Məmməd İbrahimin istifadə etdiyi dərmanlar bir neçə günə effekt verməsə əməliyyat olunmalıdır”

Bu gün həbsdə olan AXCP-nin rəyasət heyətinin üzvü Mammad İbrahim oğlu ilə telefonla danışıb. Fəal deyib ki, İstifadə elədiyi dərmanlar bir neçə günə effekt verməsə əməliyyat olunmalıdır.

Bu barədə M. İbrahimin oğlu Turan İbrahim facebook-da yazıb.

“Atam dünən Penitensiar Xidmətin müailcə müəssisində olub. Zərifə Əliyeva adına göz klinikasından həkimlər gəlib yoxlayıblar. Gözündəki problem ciddidir. İstifadə elədiyi dərmanlar bir neçə günə effekt verməsə əməliyyat olunmalıdır. Bu həkimlər isə heç bir dərman yazmayıb, xəstəlik haqqında heç bir kağız verməyiblər. Sabah baş həkim diaqnozun dəqiq cavablarını deməlidir”.

Turan İbrahim qeyd edib ki, M. İbrahimin böyrəyində “kista” var. Tez-tez yoxlanılmalı, böyüməməsi üçün əməliyyat olunmalıdır.

“Başqa bir problem isə ciyərlərindədir. Həkimin dediyinə görə ciyərlərində bərkimə gedir. Nəzarət altında olmaldır. Buna baxmayaraq qaytarıblar cəzaçəkmə müəssisinə”.

Bu gün Məmməd İbrahimin səhhətindəki problemlərlə bağlı vaxtından əvvəl azad olunması üçün verdiyi şikayətə baxılıb. Məhkəmə şikayəti təmin etməyib.

  • Məmməd İbrahim 15 mart 2016-cı ildə Nərimanov Rayon Məhkəməsinin hökmü ilə 3 il azadlıqdan məhrum edilib.