Pank qrup “Pussy Riot” futbol üzrə dünya çempionatının final oyununu “Milis oyuna girir” aksiyası ilə bölüb. Dünən “Lujniki” stadionunda keçirilən Fransa və Xorvatiya milli komandaları arasındakı oyunun ikinci hissəsinin əvvəlində polis geyimli 4 nəfər meydana girib. Onlar dərhal meydandan uzaqlaşdırılıblar.
“Pussy Riot” hadisədən dərhal sonra facebook-da paylaşım edərək aksiyanın məzmununu izah ediblər. Aksiya Dmitri Priqovun ölümünün 11 illiyi ilə bağlı olduğu açıqlanıb. Dmitri Priqov rus mədəniyyətində milis obrazını yaradıb.
Öz facebook müraciətlərində qrup 6 əsas tələbini qeyd edib:
- Bütün siyasi məhbusların azadlığa buraxılması
- Like-a görə həbslərin dayandırılması
- Mitinqlərdə qanunsuz həbslərə son qoyulması
- Ölkədə siyasi mübarizəyə icazə verilməsi
- Qondarma cinayət işlərinin hazırlanması dayandırılsın
- Dünyəvi milisi ilahi milisə çevir
Pussy Riot video müraciət də edib. Lakin FIFA şikayət edərək videonu youtube-da bloklayıb. Təbii ki, video ikinci dəfə yüklənib və izləmək mümkündür.
WOW, YouTube has blocked our video because of the FIFA copyright shit pic.twitter.com/8pSIdDPrQG
— 𝖕𝖚𝖘𝖘𝖞 𝖗𝖎𝖔𝖙💦 (@pussyrrriot) July 15, 2018
Aksiya iştirakçıları polis idarəsinə aparılıb və barələrində protokol tərtib edilib. Onlar “idman yarışlarını izləyənlərin müquqlarının pozulması” və “qanunsuz olaraq forma geyinmək” maddələri ilə ittiham edilirlər. Bu ittihamlara əsasən onları ümumilikdə 21.500 rubl cərimə, 160 saat məcburi iş və ya 15 gün həbs gözləyir.
Вот вам дебилов pic.twitter.com/12pnHbi3mG
— Вальдемар Московский (@nalog399) July 15, 2018
