Foto: Antonio Masiello / Getty Images

İlham Əliyev və Fransa prezidenti Emmanuel Makronun görüşü öncəsi Makrona müraciət ünvanlanıb. Azərbaycanlı və beynəlxalq hüquq müdafiəçilərinin müraciətində Azərbaycanda insan hüquqları ilə bağlı problemlərə diqqət yetirmək çağırışı edilib.

Müraciət müəllifləri Makrondan İlham Əliyevi İlqar Məmmədovu və dinc yolla ifadə, din və əqidə azadlığı hüquqlarını tələb etdiklərinə görə həbs edilən bütün şəxsləri qeyd-şərtsiz azad etməyə çağırmağı xahiş edirlər.

“Hesab edirik ki, sizin müdaxiləniz İlqar Məmmədovun və Azərbaycandakı digər siyasi məhbusların işinə təsir edə bilər” – müraciətin sonunda bildirilir.

Müraciəti kimlər imzalayıb: İnsan Hüquqları Klubunun rəhbəri Rəsul Cəfərov və İnsan Hüquqları üzrə Beynəlxalq Tərəfdaşlıq (Belçika) direktoru Bricit Dyufur imzalayıb.

Müraciət hara göndərilib: Bir nüsxəsi Fransanın Azərbaycandakı səfirliyinə göndərilib.