Tramp söz-söhbətə səbəb olan cümlədə sözü səhv tələffüz etdiyini deyib

Tramp Putinlə görüşdə. Foto: Alexander Zemlianichenko / AP

ABŞ prezidenti Donald Tramp Finlandiyanın paytaxtı Helsinkidə rusiyalı həmkarı Valdimir Putinlə görüş zamanı çıxışı tənqid edilib. Amerika mediası, aktyorlar, hətta Tramp administrasiyasının üzvləri belə prezidentin Putinlə görüşdə yumşaq, Rusiyanı dəstəkləyən ritorikasını bəyənməyib.

Onlar Trampı Putinlə üzləşməkdən qorxmaqda ittiham ediblər. Həmçinin prezidentin Rusiyanın 2016-cı il ABŞ president seçkilərinə müdaxilə etməməsini vurğulamağı da ölkədə siyasi qasırğa yaradıb. Tramp çıxışında deyib ki, Rusiyanın seçkiyə müdaxilə etməsi üçün heç bir səbəb görmür. Reuters yazır ki, Tramp çıxışından 24 saat sonra dediyini təkzib edib.

O, jurnalistlərə açıqlamasında bildirib ki, çıxışı zamanı sözü səhv tələffüz edib, “wouldn`t” əvəzinə “would” deyib. Yəni “Rusiyanın bunu etməməsi üçün heç bir səbəb görmürəm” demək istəyib. Tramp həm də ABŞ xüsusi xidmət orqanlarının Rusiyanın seçkilərə müdaxilə etməsi barədə araşdırmalarının nəticəsini də qəbul etdiyini açıqlayıb.

Demokratlar isə Trampın açıqlaması ilə kifayətlənmir və Rusiyaya sanksiya tətbiq etmək istədiklərini deyir.