İllustrasiyanı Elmi Komunikasiya Laborotoriyası hazırlayıb.
Alimlər Albert Eynşetyinin 100 il əvvəl qara dəliklərlə bağlı irəli sürdüyü nəzəriyyəni təsdiqləyib.
Reuters yazır ki, Avropa Cənub Rəsədxanasında bir qrup alim qara dəliyə yaxınlaşan ulduzun Eynşetynin nəzəriyyəsində olduğu kimi rənginin qızardığını müşahidə ediblər. Alimlər müşahidəyə rəsədxanadakı nəhəng teleskopla 26 il bundan öncə başlayıb. Müşahidə olunan qara dəlik Yer kürəsindən 26 min işıq ili uzaqda yerləşir və Günəşdən 4 milyon dəfə böyükdür. Süd yolunda olan S2 adlı ulduzu seçən alimlər onun 2018-ci ildə qara dəliyə yaxınlaşacağını hesablayıb. Qara dəliyin güclü cazibə qüvvəsindən qaçmağa çalışan ulduzun rəngi göydən qırmızıya doğru dəyişməyə başlayıb.
Eynşteyn 100 il əvvəl nəzəriyyəsində qeyd edib ki, qara dəliyə yaxınlaşan ulduzun yaydığı işığın dalğa uzunluğu dəyişir və o, qırmızı rəngdə görünür.
Alimlər deyib ki, qara dəliklərlə bağlı digər fiziklərin də nəzəriyyələrini müşahidə edəcəklərinə ümid edirlər.
“Bu, bizim komandanın uzun yolda atdığı ilk addımdır və ümid edirik ki, növbəti illərdə də davam edəcək” – deyə beynəlxalq alimlərdən ibarət komandanın üzvü Reynhard Genzel bildirib.
