Ekvador prezidenti bəyan edib ki, Assanc Londondakı səfirliyi tərk etməlidir

Foto: Aleks Maknoton / RIA

Ekvador prezidenti Lenin Moreno bəyan edib ki, Vikiliksin yaradıcısı Culian Assanc 2012-ci ildən bəri sığındığı Londondakı səfirlik binasını tərk etməlidir.

Prezident deyib ki, o heç vaxt Assancın fəaliyyətini dəstəkləməyib və insanların şəxsi yazışmalarının izlənməsini, hətta vacib informasiya alınsa belə etik hesab etməyib.

“Tək istəyimiz onun həyatının təhülkə altına düşməməyidir. Biz bunu onun vəkilləri və Böyük Britaniya höküməti ilə dəfələrlə müzakirə etmişik”.

Prezident heç vaxt Assancla görüşməsə də bu məsələləri Britaniya höküməti ilə müzakirə etdiyini deyib.

Londondakı Ekvador səfirliyi isə prezidentin açıqlamalarını şərh etməkdən imtina edib.

  • Assanc 2012-ci ildən Ekvador səfirliyində yaşayır. O, siyasi sığınacağı Vikileksdən sonra ABŞ-da onu gözləyən təhlükədən sığortalanmaq üçün istəyib.

  • Mart ayından etibarən Ekvador Asancı xarici aləmdən təcrid edib. Təcridetməni Assancın sosial şəbəkələrdə yazdıqlarının Ekvadorla həm Britaniya, həm də Avropa ölkələri ilə arasında problem yaratması ilə əsaslandırılıb.

Şərhini yaz

Şərhinizi yazın
Adınızı daxil edin