Mehman Hüseynovun anasının dəfninə buraxılması üçün müraciət olunacaq

Həbsdə olan blogger Mehman Hüseynovun anası Firəngiz Hüseynova bu gün vəfat edib. Bir müddətdir xəstə olan Firəngiz Hüseynova ilə oğlunun görüşməsi üçün rəsmi müraciət edilsə də buna icazə verilməyib. Mehman Hüseynovun vəkili Şəhla Hümbətova Meydan TV-yə deyib ki, onun dəfnə buraxılması üçün müraciət hazırlayacaq.

“Hazırda xəstəxanadayam, ölüm sənədini alıb, Qaradağa, 14 saylı Cəzaçəkmə Müəssisəsinə getməliyəm. Nədənsə arayışı gecikdirirlər” – deyə vəkil bildirib.

Nə baş verib: M.Hüseynov 2017-ci il martın 3-də Suraxanı Rayon Məhkəməsinin hökmü ilə 2 il azadlıqdan məhrum edilib. O, polisə böhtan atmaqda ittiham olunub.

Mehman Hüseynov kimdir: Blogger Mehman Hüseynov deputatlar və yüksək vəzifəli şəxslərə məxsus olduğu deyilən mülklər, villalar barədə video-sujetlər hazırlayıb. M.Hüseynov həbsinin siyasi motivli olduğunu düşünür.