Foto: şəxsi arxiv / facebook

İctimai fəal Bəxtiyar Hacıyevi içkili halda maşın sürməkdə və Yol Patrul Xidmətininin maşınını əzməkdə ittiham edən polis cəzalandılıb. Bu barədə Bəxtiyar Hacıyev özü məlumat yayıb. Onun sözlərinə görə, bu gün polis bölməsinə gedib və ona məlumat verilib ki, polis əməkdaşı rəhbərlik tərəfindən cəzalandırılıb. Bölmədə həm də təklif olunub ki, məsələ barışıqla tamamlansın.

“Bildirdim ki, burada məsələ Bəxtiyarın şəxsi məsələsi, rahatlığı deyil. Bu gün Bəxtiyarı yaşadığı həyətdə piyada şəkildə evinə gedəndə şərləmək istəyən, sınıq qolunu burub, hədələyib, bölməyə aparan adamlar sabah başqalarına qarşı da eyni şeyi edə bilər, ona görə də mən özünü cırmaqlayan biri ilə nə danışmaq, nə barışmaq, nə də üzrünü qəbul etmək fikrində deyiləm. Qanun nə tələb edirsə, o cəza da verilsin, sadəcə töhmət filan onu dəyişməyəcək”.

B.Hacıyev yazır ki, bi az sonra rəhbərlikdən bölməyə məsələnin araşdırılması və özünü cırmaqlayaraq vətəndaşı şərləmək istəyən YPX əməkdaşının qanuni qaydada cəzalandırılması üçün araşdırma başlanması barədə göstəriş gəlib.

Posted by Bakhtiyar Hajiyev on Tuesday, August 7, 2018

Nə baş verib: Avqustun 8-də gecə saatlarında Bəxtiyar Hacıyev evinin yaxınlığında maşının park etdikdən sonra piyada evə gedərkən polis tərəfindən saxlanılıb. Polis onun şübhəli hərəkətlər etdiyini, içkili olub-olmadığını soruşub. Daha sonra polis əməkdaşları onu maşının qapısını əzməkdə ittiham edib. B.Hacıyev hadisəni canlı yayımla Facebook sosial şəbəkəsində yayıb və bu zaman polis əməkdaşı ona hücum edib və bölməyə aparılıb.

Şərhini yaz

Şərhinizi yazın
Adınızı daxil edin