Ryanair hava yolu şirkətinin pilotları 5 ölkədə tətil edir

Foto: Wolfgang Rattay / Reuters

İrlandiyanın aşağıbüdcəli hava yolu şirkəti olan Ryanair-in pilotları iş şəraitlərinə etiraz olaraq Avropada 5 ölkədə tətil keçirir.

Reuters yazır ki, 400-ə yaxın uçuşun təxirə salınması 55 mindən çox sərnişinə təsir edəcək.

Bu, hava yolu şirkəti tarixində ən böyük pilot tətilidir. Tətilə görə hava yolu şirkətinin Almaniyada 250, Belçikada 104, İsveç, İrlandiya və Hollandiyada isə 42 uçuşu təxirə salınıb.

Pilotlar nə tələb edir: İş şəraiti yaxşılaşdırılsın, maaşları artırılsın və onlar Ryanairin mərkəzinin yerləşdiyi İrlandiya qanunlarına yox, işlədikləri ölkələrin qanunlarına tabe olsunlar.

Rəhbərlik nə deyir: Tətil haqsız yerə edilir və pilotlar digər ekonom hava yolu şirkətlərindən daha çox maaş alırlar.

  • Ryanair 37 ölkədə 86 hava limanında fəaliyyət göstərir və ötən il ərzində 130 milyon sərnişin daşıyıb.

Şərhini yaz

Şərhinizi yazın
Adınızı daxil edin