Gəncə hadisələri ilə bağlı 2 nəfər həbs edilib

Baş Prokurorluq, Daxili İşlər Nazirliyi və Dövlət Təhlükəsizliyi Xidməti Gəncədə baş verən hadisələrlə bağlı birgə məlumat yayıb.

Məlumatda bildirilir ki, Aydın Qurbanov və Anar Bağırovun Gəncə şəhərində qeydiyyatda olduqları ünvanlarda axtarış aparılıb.

Aydın Qurbanovun yaşadığı binanın çardağından aşkar edilib:

• “Kalaşnikov” avtomatı

• Avtomata aid 56 ədəd patron və 1 ədəd sandıqça

Anar Bağırovun yaşadığı binanın zirzəmisindən aşkar edilib:

• “Marqulin” markalı tapança

• Tapançaya aid 47 ədəd patron

• 132 ədəd avtomat patronu

• “Teksun” yağ qabının içində gizlədilmiş 273 ədəd avtomat və tapança patronu

• 8 ədəd sandıqça

• Radikal dini məzmunlu materiallar olan və faşizmi təbliğ edən 36 ədəd kompakt disk

Saxlanılanlar hansı maddə ilə ittiham edilir: Cinayət Məcəlləsinin 228.3-cü (mütəşəkkil cinayətkar dəstə tərəfindən qanunsuz olaraq odlu silah, döyüş sursatı əldə etmə, başqasına vermə, satma, saxlama, gəzdirmə, daşıma) maddəsi ilə təqsirləndirilən şəxs qismində cəlb olunaraq barələrində məhkəmə tərəfindən həbs qətimkan tədbiri seçilib.

Nə baş verib: 2018-ci il iyulun 3-də Gəncə şəhər İcra Hakimiyyətinin başçısı Elmar Vəliyevə və polis əməkdaşı Qasım Aşbazova qarşı sui-qəsd törədilib. Hadisəni törəkməkdə təqsirli bilinən Yunis Səfərov həbs edilib. İyulun 10-da isə Gəncə şəhərində bir qrup şəxs aksiya keçirməyə cəhd edib. Aksiya zamanı 2 polis əməkdaşı ölüb, 30-a yaxın aksiya iştirakçısı saxlanılıb.