Azərbaycan Şahmat Federasiyasının vitse-prezidenti Mahir Məmmədov. Foto: Azertag

Azərbaycan Şahmat Federasiyasının vitse-prezidenti Mahir Məmmədov şahmatçı Şəhriyar Məmmədyarovun sponsorunun olmamağı ilə bağlı yazdıqlarına cavab verib. Vitse-prezident onun dediklərini təkzib edib və deyib ki, şahmatçı heç bir turnirə öz hesabına getmir.

“Hazırda onun ən böyük sponsoru Azərbaycan dövlətidir. Əgər onun qatıldığı turnir yığma komandaya aiddirsə, federasiya tərəfindən, əks halda klubdursa, qatıldığı yarış həmin təşkilat tərəfindən maliyyələşdirilir. Əgər super turnirdirsə, öz şəxsi statusuna müvafiq olaraq turnir təşkilatçıları tərəfindən maliyyələşdirilir və ona həm yol, həm də qalmaq pulu ödənilir”.

Nə baş verib: Şəhriyar Məmmədyarov bu gün Facebook-da yazıb ki, onun sponsoru yoxdur və yarışlara öz hesabına gedir. Pul üçün ard-arda yarışlarda iştirak etməyə məcbur olduğunu yazan Ş.Məmmədyarov bu halların onu bezdirdiyini deyib.

Şərhini yaz

Şərhinizi yazın
Adınızı daxil edin