Rusiyada məhkəmənin qərarı ilə terrorçuluqda şübhəli bilinən “Telegram” istifadəçilərinin IP adresləri və telefon nömrələri xüsusi xidmət orqanlarına ötürüləcək. Şirkət açıqlama verib ki, bu günə qədər heç vaxt heç kimin məlumatlarını xüsusi xidmət orqanlarına verməyiblər. Əgər belə hal olarsa, Transparency Reports-da bu barədə məlumat veriləcək.
Şirkət həm də açıqlama verib ki, şifrələnən yazışmaları müəyyən etmək üçün açarlar xüsusi xidmət orqanlarına təqdim edilməyəcək.
Yazışma proqramının yaradıcısı Pavel Durov əvvəllər də heç bir halda şifrələnmiş yazışmaları oxumaq üçün açarların hökümətə verilməyəcəyini açıqlamışdı.
Əgər həmin şifrələr təqdim edilsəydi, “Telegram”ın Rusiya ərazisində bloklanması barədə qərar geri götürüləcəkdi.
2018-ci ilin aprelindən etibarən “Telegram” Rusiya ərazisində bloklanıb.
