“APA Holding” MMC fəaliyyətini tamamilə dayandırıb. Bunu holdinqin rəhbəri Vüsalə Mahirqızı bu gün öz Facebook hesabında yazıb. Avqustun 3-də isə o, açıqlamasında şirkətdə araşdırmalar aparıldığını və nəticəsi barədə məlumat veriləcəyini yazmışdı.
https://www.facebook.com/vusale.mahirqizi/posts/2627898973903121?
Nə baş verib: 1 Avqustdan etibarən “APA Holding”ə daxil olan informasiya resurslarına daxil olmaq mümkün deyil. Problem İlham Əliyevin çıxışındakı sözün səhv yazılması ilə başlayıb. apa.az İlham Əliyevin fikrini belə verib: Prezident: “Ermənistanı çökdürəcəyik”. Əslində isə prezident nitqində “sarsıdacağıq” ifadəsini işlədib. Səhvlə bağlı APA-da üzr yazısı dərc edilib. Lakin bir müddət sonra sayta giriş bloklanıb.
