Baş Prokurorluq Den Bilzeryanı mütəşəkkil cinayətkarlıqda ittiham edir

Baş Prokurorluq Dağlıq Qarabağ ərazisinə səfər edən erməni əsilli amerikalı Den Bilzeryana qarşı cinayət işi açıb. O, Ermənistanda və Azərbaycanın işğal olunmuş ərazilərində olan şəxslərlə cinayət əlaqəsinə girib mütəşəkkil dəstə tərkibində birləşərək “Dövlət sərhədi haqqında” Qanunu pozmaqda ittiham olunur.

Baş Prokurorluğun yaydığı məlumatda həm də qeyd olunur ki, Den Bilzeryan Azərbaycanın dövlət sərhədini Ermənistan ərazisindən qanunsuz keçərək Xankəndi və işğal altında olan digər yaşayış məntəqələrinə gəlib və “Dağlıq Qarabağ Respublikası”nda qumbaraatan, tüfəng və digər odlu silahlardan nümayişkaranə atəşlər açmasına əsaslı şübhələr müəyyən edilib.

First day as Armenian citizen

A post shared by Dan Bilzerian (@danbilzerian) on

Həmin fakta görə Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin bu maddələri ilə cinayət işi açılıb:

  • 228.3 (mütəşəkkil dəstə tərəfindən qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə)

  • 318.2-ci (mütəşəkkil dəstə tərəfindən Azərbaycan Respublikasının mühafizə olunan dövlət sərhədini müəyyən edilmiş sənədlər olmadan və ya dövlət sərhədinin nəzarət-buraxılış məntəqələrindən kənarda keçmə) Den Bilzeryanın “İnterpol” xətti üzrə beynəlxalq axtarışa elan olunması üçün müraciət edilib.

Nə baş verib: Erməni əsilli ABŞ vətəndaşı olan Den Bilzeryan milyonçudur. Həmçinin peşəkar poker oyunçusu və aktyor kimi tanınır. Milyonçu avqustun 28-də Ermənistana və “Dağlıq Qarabağ”a səfər edib.