Azərbaycan Rusiyadan 5 milyard dollar dəyərində silah alıb
Soçidə İlham Əliyev və Vladimir Putinin iştirakı ilə iki ölkə arasında müxtəlif sənədlərin imzalanması mərasimindən. Foto: president.az
Azərbaycanın Rusiyadan aldığı hərbi təyinatlı məhsulların dəyəri 5 milyard dollardan çoxdur. Bunu Rusiya prezidenti Vladimir Putin azərbaycanlı həmkarı İlham Əliyevlə birgə mətbuat konfrasında çıxışı zamanı deyib. Onun sözlərinə görə, bu göstərici artmağa meyillidir.
Putin bunun səbəbini belə izah edib:
“Azərbaycan Silahlı Qüvvələrinin modernləşdirilməsini davam etdirir, Rusiya isə dünyada hərbi məhsulların ən mühüm istehsalçısı və beynəlxalq bazarların bu məhsullarla təchizatçısıdır”.
