16 saylı CÇM rəisi Məmməd İbrahimin aclıq aksiyasını dayandırdığını deyib

AXCP sədrinin həbsdə olan müavini Məmməd İbrahimin oğlu Turan İbrahim onun olduğu 16 saylı cəzaçəkmə müəssisəsinin rəisi Şahin Həsənovla görüşüb. T.İbrahim bu barədə sosial şəbəkədə məlumat yayıb və deyib ki, müəssisə rəisi Məmməd İbrahimlə yenicə görüşüb və bildirib ki, o, aclıq aksiyasını dayandırıb:

“Yatağında qanunsuz əşya aşkarlandığına görə 2 günlük karsa salınıb. Səhhəti yaxşıdır, heç bir fiziki zorakılıq olmayıb. Sabah günortadan sonra azadlığa çıxacaq.”

Nə baş verib: Məmməd İbrahim 2015-ci il sentyabrın 30-da AXCP-nin keçmiş üzvü Mikayıl Quliyevin şikayəti əsasında həbs olunsa da sonradan bu maddə 221.2.2-ci maddəsi ilə (silah tətbiq etməklə xuliqanlıq törətmək) əvəzlənib
Nərimanov rayon məhkəməsinün hökmü ilə 3 il azadlıqdan məhrum edib.

• Beynəlxalq hüquq-müdafiə təşkilatları Məmməd İbrahimi siyasi məhbus kimi tanıyıb.