Azərbaycan Respublikası Baş Prokurorluğu Qazaxda baxş verən ölüm işi ilə bağlı Polis Şöbəsinin növbətçi hissəsinin məsul növbətçisi İlham Süleymanovun Cinayət Məcəlləsinin 308.2-ci (vəzifə səlahiyyətlərindən sui-istifadə, ağır nəticələrə səbəb olduqda) maddəsinə əsasən şübhəli şəxs qismində saxlanılması ilə bağlı məlumat yayıb.
Bu, baş verən olayla bağlı ikinci həsbdir. Bu gün səhər Kərim Əhmədov adlı bir nəfər də təqsirləndirilən şəxs qismində saxlanılıb və barəsində məhkəmənin qərarı ilə həbs qətimkan tədbiri seçilib.
Kərim Əhmədov kimdir: Kərim Əhmədovun mərhum Elmir Axundovla dalaşdığı bildirlir. Elmir Axundovun bacısı Ülviyyə Axundova isə yaydığı açıqlamada bildirib ki, onlar Kərim Əhmədovdan şikayətçi deyil. Kərim Əhmədovun “Polisə ictimai dəstək” xidmətinin üzvü olduğu da bildirilir.
“Mənim qardaşım bir yumruqla ölən oğul deyildi. Kərim Əhmədovla bir gün əvvəl dalaşmışdı, bu barədə də şikayət etmişdik. Amma ölüm məsələsində biz Kərimdən şikayətçi deyilik. Bir neçə polis Elmiri məhləmizdə sürüyüb maşından düşürüblər. Məhəlləmiz çınqıldı, onun bədəni çınqıl izləri ilə dolu idi. Sürüyüb basıblar polis maşınına. Hadisəni görən cavanlar var, amma qorxularından açıq danışmaq istəmirlər”.
Nə baş verib: Qazax rayon sakini Elmir Axundov sentyabrın 25-i izahat üçün rayon bölməsinə çağırılıb. Bacısı Ülviyyə Axundova onun polis bölməsinə çağırıldıqdan bir müddət sonra ona qardaşının öldüyü barədə məlumat veriblər.
E.Axundovun Qazax rayon Polis Şöbəsində vəfat etməsi faktı ilə bağlı rayon prokurorluğunda Cinayət Məcəlləsinin 124.1 (ehtiyatsızlıqdan adam öldürmə) və 221.3-cü (xuliqanlıq, silahdan və ya silah qismində istifadə edilən əşyaları tətbiq etməklə törədildikdə) maddələri ilə cinayət işi başlanıb.
