Milli Məclis. Foto: Murad Orujov / Sputnik

Deputat Qüdrət Həsənquliyev ingilis dilinin tədrisi ilə bağlı parlamentdə məsələ qaldırıb. Deyib ki, bu gün ingilis dili beynəlxalq dildir, ancaq Azərbaycanda bu dilin öyrənilmə səviyyəsi yetərli deyil:

“Xüsusilə də, beynəlxalq tədbirlərdə iştirak zamanı bu məsələdə ciddi problemlər yaranır. Gürcülər və ermənilərlə müqayisədə bizimkilər bu dildə yaxşı danışa bilmirlər”.

Spiker Oqtay Əsədov isə deputata cavabında parlamentdə ingilis dilinin öyrənilməsi üçün kursların açılmasına baxmayaraq ora gedən olmadığını deyib:

“Mən bir müddət əvvəl parlamentdə ingilis dilinin öyrənilməsi ilə bağlı təşəbbüslə çıxış etdim. Amma kurslar açılmasına baxmayaraq, öyrənməyə gedən olmadı. Kurslar yarımçıq qaldı…”.