3 il əvvəl alınan əlil arabası üçün rüsum tələb edilir

Tural Əliyev. Foto: şəxsi arxiv / facebook

Üç il əvvəl ABŞ-dan əlil arabası alan Tural Əliyevdən məhsulun rüsumunu ödəmək tələb olunur. Meydan TV yazır ki, xaricdən sifarişlə alınan əlil arabası o zamankı əmək və əhalinin sosial müdafiəsi naziri Səlim Müslümovun xahişi ilə gömrükdən keçirilib.

“Hava Nəqliyyatında Baş Gömrük İdarəsinin əməkdaşı zəng edib bildirib ki, o vaxt deklorasiya yazılıb və 2 il ərzində bu pulu ödəmək barədə öhdəlik götürülüb. Arabanı götürən zaman nə mən, nə də ailə üzvlərimdən heç kim heç nəyə imza atmamışıq. Gömrüyün əməkdaşına bildiririk ki, məsələ nazir səviyyəsində həll olunub. Cavab olaraq gömrüyün əməkdaşı bildirdi ki, sənədlər məhkəməyə göndərilir”.

  • Qurumdan bildirilib ki, rüsum və cərimə birlikdə olmaqla 4500 manat ödənilməzsə, onda malın dəyərini ödəmək lazımdır ki, bu da 14 min dollardır.

Nazirlik nə deyir: Əmək və Əhalinin Sosial Müdafiəsi Nazirliyindən bildirilib ki, məsələni araşdıracaqlar, onlarlıq nəsə varsa, həll edəcəklər. Dövlət Gömrük Komitəsindən isə münasibət öyrənmək mümkün olmayıb.

Nə baş verib: Əlil arabasını Tural Əliyevin dostu 2016-cı ildə ABŞ-ın “Gofondme.com” saytından sifariş edib. Araba üçün vəsait yığılıb sifariş edilib və Azərbaycana gələndə Hava limanında Hava Nəqliyyatında Baş Gömrük İdarəsinin əməkdaşları bildiriblər ki, keçirmək üçün 4 min manat rüsum ödənməlidir. Məsələ ictimailəşdikdən sonra o zamankı nazir Səlim Müslümov T.Əliyevlə əlaqə saxlayıb və problemi həll etdiyini deyib. Bundan sonra isə T.Əliyev və ailəsi arabanı təhvil alıblar.

Şərhini yaz

Şərhinizi yazın
Adınızı daxil edin