İndoneziyada təbii fəlakətdən sonra ölənlərin sayı 1424 nəfərə çatıb

İndoneziyanın Sulavesi adasında baş verən zəlzələ və sunamidən sonra həlak olanların sayı 1424-ə çatıb. Anadolu Agentliyi yazır ki, təbii fəlakətlər 2549 nəfərin yaralanmağına, 100-dən çox adamın isə itkin düşməyinə səbəb olub.

Ölənlərin sayı barədə məlumatı İndoneziya Fövqəladə Hallar Agentliyinin sözcüsü Sutopo Purvo Nuqroho mətbuat konfrasında deyib.

Zəlzələ və sunamidən sonra bölgədə 61 867 nəfərin müvəqqəti sığınacaqlara yerləşdirildiyi, 2 mindən çox məktəb binasının zərər gördüyü bildirilib.

Nə baş verib: İndoneziyanın şimalında yerləşən Sulavesi adasında cümə günü 7.5 bal gücündə zəlzələ olub. Zəlzələdən sonra isə Dinqala və Palu şəhərlərini hündürlüyü 3-6 metr arasında olan sunami dalğaları vurub.