Bu gün Bakı Apellyasiya Məhkəməsində Azərbaycan Xalq Cəbhəsi Partiyası sədrinin müşaviri Məmməd İbrahimin Yasamal rayon məhkəməsinin çıxardığı 2 aylıq həbs qətimkan qərarından verilən şikayətə baxılıb.
Məhkəmə şikayəti təmin etməyib, Məmməd İbrahimi həbsdə saxlayıb.
Nə baş verib: 2015-ci ilin 30 sentyabrından həbsdə olan AXCP funksionerinə həbs müddəti bitdiyi gün yeni cinayət işi açılıb. O, qadağan edilən əşyaların (bıçaq) qanunsuz saxlanmasında ittiham edilir. Yasamal rayon məhkəməsi Məmməd İbrahim barədə 2 aylıq həbs qətimkan tədbiri seçib.
Müxalif fəalı hansı cəza gözləyir: Ona qarşı qaldırılan qadağan edilən əşyaların (bıçaq) qanunsuz saxlanmasında ittihamı ilə 6 aya qədər azadlıqdan məhrum edilə bilər.
Məmməd İbrahim nə deyir: Vəkil Cavad Cavadovun Turan-a verdiyi məlumata görə, Məmməd İbrahim Apellyasiya Məhkəməsində təhqiqatda iştirak edib və deyib ki, yeni ittiham da əvvəlkilər kimi tamamilə uydurmadır. Onun saxladığı iddia olunan bıçağın M. İbrahimlər heç bir əlaqəsi yoxdur.
Müdafiə tərəfinin gələcək addımları: Həbs qərarından Strasburq Məhkəməsinə şikayət və qətimkan tədbirinin ev dustaqlığı ilə əvəz edilməsi barədə vəsatətin hazırlanması.
