Azad Həsənov. Foto: şəxsi arxiv / facebook

Müsavat Partiyasının Suraxanı rayon təşkilatının mühacirətdə olan üzvü Azad Həsənli ölüm ayağında olan atasını görmək üçün oktyabrın 10-da Azərbaycana gəlib və 11 oktyabrda səhər saatlarında həbs olunub.

Bu barədə Müsavat başqanının müavini Səxavət Soltanlı məlumat yayıb.

Azad Həsənlinin xanımı Təranə Həsənova “Bastainfo”-ya deyib ki, həyat yoldaşı Bakı hava limanında problemlə üzləşməyib.

“Azad dünən saat 9-da Bakıya zəng vurdu. Dedilər, atan can verir. O, təcili bilet aldı və saat 3-də Bakıya çatdı. Problemsiz sərhədi keçib, günortaya qədər atasıyla bir yerdə olub. Sonra məscidə gedib namaz qılmağa. Orada 662 nömrəli qara “Hundai” maşından düşən mülki formalı şəxslər, onun qollarını burub maşına oturdublar. Qardaşı yaxınlaşıb kömək etmək istəyəndə, onu sinəsindən itələyib deyiblər ki polisdənik”.

Azad Həsənli kimdir: Müsavatçı fəal 2003-cü ildən partiyanın fəal üzvüdür. O, 2014-cü ilin fevral ayından mühacirətdədir, ailəsi ilə birgə Litvada siyasi sığınacaq alıb.

Şərhini yaz

Şərhinizi yazın
Adınızı daxil edin