Azad Həsənov. Foto: şəxsi arxiv / facebook

Müsavat Partiyasının Suraxanı rayon təşkilatının mühacirətdən qayıdan üzvü Azad Həsənov barədə Xətai rayon Məhkəməsinin qərarı ilə həbs qətimkan tədbiri seçilib.

Məlumatı Amerikanın Səsinə fəalın vəkili Osman Kazımov bildirib. Vəkil deyib ki, cinayət işinin istintaqını Bakı şəhər Baş Polis İdarəsi aparır.

“Xətai rayon Polis İdarəsində bildirdilər ki, Azad Həsənov Kürdəxanıdakı 1 saylı İstintaq Təcridxanasına köçürülüb. Amma hansı maddə ilə cinayət işi qaldırıldığı və məhkəmənin onun barəsində hansı müddətə həbs qətimkan tədbiri seçməsi barədə məlumat vermədilər”.

Nə baş verib: Mühacirətdə olan Azad Həsənov ölüm ayağında olan atasını görmək üçün oktyabrın 10-da Azərbaycana gəlib və 11 oktyabrda səhər saatlarında həbs olunub.

Azad Həsənli kimdir: Müsavatçı fəal 2003-cü ildən partiyanın fəal üzvüdür. O, 2014-cü ilin fevral ayından mühacirətdədir, ailəsi ilə birgə Litvada siyasi sığınacaq alıb.

Digər xəbərlər