Səudiyyə Ərəbistanın dövlət televiziyası jurnalist Camal Qaşıqçının ölüm xəbərini rəsmən təsdiqlədi.
BBC yazır ki, televiziya jurnalistin konsulluqda baş verən dava nəticəsində öldüyünü açıqlayıb. İstintaq müddətində 18 Səudiyyə Ərəbistanı vətəndaşının həbs edildiyi bildirilir.
Səudiyyə xüsusi xidmət orqanının rəhbəri Ahmet əl-Asiri və Kral Məhəmməd ibn Salmanın məsləhətçisi Suud əl-Kahtani vəzifəsindən kənarlaşdırılıb.
Səudiyyə Ərəbistanı bu günə qədər jurnalist Camal Qaşıqçının öldüyünü rədd edir və konsulluq binasını tərk etdiyini deyirdi.
