Sentyabrın sonlarında dini fəal Telman Şirəliyevə qarşı yeni cinayət işi açılıb.
Bu barədə məlumatı hüquq müdafiəçisi Oqtay Gülalıyev “Turan”a verib.
Hüquq müdafiəçisi deyir ki, azad edilməsinə bir həftə qalmış məhbusun yastığının altından şiş “aşkarlayıblar” və 317-2.1-ci (cəzaçəkmə müəssisəsində və ya istintaq təcridxanasında qadağan edilmiş əşyaların hazırlanması, saxlanması, gəzdirilməsi) maddəsi ilə ittiham irəli sürüblər.
Oqtay Gülalıyev düşünür ki, yeni ittihamın əsl səbəbi Şirəliyevin əfv xahişini imzalamaqdan imtina etməsidir.
Nə baş verib: Telman Şirəliyev 2012-ci il oktyabrın 5-də Təhsil Nazirliyi qarşısında “hicaba azadlıq” şüarı ilə keçirilən aksiyada həbs edilib. 2013-cü il iyunun 5-də məhkəmənin qərarı ilə 6 il həbs cəzası alıb.
