Gənc fəal İlqar Aydın Abşeron Rayon Məhkəməsinin qərarı ilə 2 ay müddətinə həbs olunub.
Abşeron Rayon Polis İdarəsindən Meydan TV-ə bildiriblər ki, İlqar Aydın İnzibati Xətalar Məcəlləsinin 227-ci (Xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talama) maddəsi ilə təqsirli bilinib.
Lakin İlqar Altayın hansı şəraitdə xırda talama, mənimsəmə etdiyi barədə məlumat verilməyib.
Fəalın yaxınları onun “Facebook”da hakimiyyəti kəskin tənqid edən yazılarına görə həbs edildiyini deyir.
Gənc fəal hələlik vəkillə təmin olunmayıb.
