Yasamalda məktəbin zirzəmisində 352 ədəd hərbi sursat tapılıb

ANAMA əməkdaşları hərbi sursatı ərazidən kənarlaşdırır. Foto: anama.gov.az

Yasamal rayonundakı 175 saylı məktəbin zirzəmisində 352 ədəd müxtəlif növ təlim məqsədli partlamamış hərbi sursat aşkar edilib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyi (ANAMA) məlumat yayıb.

Agentlik bildirir ki, partlamamış hərbi sursatların tapıldığı yerin ətrafında 400 kvadrat metr əraziyə də yerüstü baxış keçirilib, əlavə təhlükəli əşya və qurğu aşkarlanmayıb.

Hərbi sursatın məktəbin zirzəmisində hansı məqsədlə saxlanılması və nə vaxtdan orada olması barədə məlumat verilmir.

Aşkar edilən hərbi sursatların arasında artilleriya mərmisi, əl qumbaraları, müxtəlif kalibrli patronlar var.

Şərhini yaz

Şərhinizi yazın
Adınızı daxil edin