Amerika Birləşmiş Ştatlarının keçmiş prezidentlərinə şübhəli qutular göndərilib. Huffington Post yazır ki, Bill Klinton və həyat yoldaşı Hillari Klintonun Nyu-Yorkdakı və Barak Obamanın Vaşinqtondakı ofisinə içində potensial partlayıcı vasitələr olan şübhəli qutular göndərilib. Qutular gündəlik poçt yoxlaması zamanı aşkarlanıb.
Hazırkı president Donald Tramp da məlumatlandırılıb və Ağ Ev bu vəziyyəti “həddindən artıq ciddi” kimi qiymətləndirib.
Nyu York şəhərinin Federal Tədqiqatlar Bürosunun məlumatına görə, qutuların əsas hədəfi Klintonlar olub və hazırda bu, araşdırılır.
İki gün öncə isə donor Corc Sorosun evinə oxşar paket göndərilib. Polisin bununla bağlı da araşdırması davam edir.
