Tramp ABŞ-da doğulan uşaqlara verilən vətəndaşlıq hüququnu ləğv etmək istəyir

ABŞ prezidenti Donald Tramp vətəndaş olmayan və ya hüquqi statusdan məhrum miqrantların bu ölkədə dünyaya gətirdiyi uşaqlara verilən vətəndaşlıq hüququnu ləğv etməyi planlaşdırır. Axios yazır ki, prezident bununla bağlı sənəd imzalayacaq və hazırda buna hazırlıq prosesi gedir.

Trampın bu addımının əsas hədəfinin miqrantlar olduğu bildirilir. Müsahibəsində belə bir əmr imzalamaq hüququ olduğunu deyən Tramp bildirib ki, insanların sırf uşaq doğmaqla ABŞ-dan faydalanması gülməlidir:

“Bizim ölkəmiz dünyada yeganə ölkədir ki, kim isə bura gəlir və uşaq dünyaya gətirir və həmin uşaq ABŞ vətəndaşı olur, dövlətin imkanlarından faydalana bilir. Bu gülməlidir və sonlandırılmalıdır”