Zamirə Hacıyeva Londonda həbs edildi

Azərbaycan Beynəlxalq Bankın keçmiş sədri, hazırda həbsdə olan Cahangir Hacıyevin həyat yoldaşı Zamirə Hacıyeva həbs edilib. BBC News yazır ki, ötən həftə həbs olunan Z.Hacıyeva Azərbaycana ektradisiya ediləcək.

Westminster Magistr Məhkəməsində məlum olub ki, eks bankirin xanımı Azərbaycan tərəfinin onun Bakıya ekstradisiya edilməsi barədə xahişindən sonra həbs edilib.

İki mənimsəmə ittihamı ilə təqsirli bilinən Z.Hacıyeva ötən həftə polisə təslim olub və təcridxanada saxlanılır.

Onun 500 min funt zəmanət ödəmək qarşılığında azadlığa buraxılması təklifi olsa da dövlət prokuroru buna etiraz edib. Bu da Z.Hacıyevanın təcridxanada saxlanılmağa davam etməsi deməkdir.

Zamirə Hacıyeva kimdir: Cahangir Hacıyevin həyat yoldaşı Zamirə Hacıyeva illərdir ki, Londonda yaşayır. Bir neçə həftə əvvəl onun adı Londonun məşhur Harrods alış-veriş mərkəzində 16 milyon funt xərcləməyi ilə gündəmə gəlib.

Şərhini yaz

Şərhinizi yazın
Adınızı daxil edin