AXCP fəallarının həbs müddəti gələn ilin martına qədər uzadıldı

AXCP funksionerləri Babək Həsənov, Aqil Məhərrəmov, Ruslan Nəsirli, Gədəbəy rayonunun keçmiş icra başçısı Saleh Rüstəmov və Vidadi Rüstəmlinin həbs müddəti uzadılıb. AXCP fəalı Turan İbrahim deyir ki, bu gün Nəsimi rayon Məhkəməsində onlar barəsindəki həbs qətimkan tədbirinin 2019-cu il martın 7-ə qədər uzadılmasına qərar verilib.

Nə baş verib: AXCP Rəyasət Heyətinin üzvü Aqil Əli Məhərrəm, partiyanın Nərimanov rayon şöbəsinin sədri Babək Həsənov, Gənclər Komitəsinin Ali Məclisinin sədri Ruslan Nəsirli, Saleh Rüstəmov və onun qardaşı oğlu Vidadi Rüstəmli bu il mayın 25-də Baş Prokurorluq tərəfindən saxlanılıb. Qanunsuz sahibkarlıqda ittiham olunan fəallar barədə 4 aylıq həbs qətimkan tədbiri seçilib.