Çexiya Respublikası Birləşmiş Millətlər Təşkilatının miqrantlarla bağlı birgə fəaliyyəti nəzərdə tutan paktını qəbul etməyəcək. Reuters yazır ki, Çexiya da Macarısan və Avstriya kimi bundan boyun qaçıran Avropa Birliyi ölkələrinə qoşulub. Bu barədə Çex hökuməti bu gün qərar qəbul edib.
Baş nazirin müavini Riçard Barbek mətbuat konfransında deyib ki, ölkəsi uzun müddətdir ki, leqal və qeyri-leqal miqrasiyanın bir-birindən ayırd edilməsi prinsiplərini dəstəkləyir:
“Çexiya və digər Avropa ölkələrinin təkliflərinin əsas hədəfi də budur. Amma sənəddə bu müddəalara toxunulmayıb”.
Dekabrda Mərakeşdə imzlanacağı deyilən sənədi qəbul etməyən digər ölkə də Bolqarıstandır. Anti-miqrasiya siyasəti yürüdən Birləşmiş Vətənpərvərlər Partiyasının da yer aldığı Bolqarıstan hökuməti sənədin əleyhinə qərar verib.
BMT-nin Təhlükəsizlik üçün Qlobal Saziş sənədi iyul ayında 193 üzv tərəfindən qəbul edilib. ABŞ-ın da imzalamağı rədd etdiyi bu sənəd İkinci Dünya müharibəsindən sonra müharibə və aclığa görə yaxın şərq, Afrika və ətrafından Avropaya güclü miqrant axınından sonra hazırlanıb.
