Küveytdə Dostoyevskinin “Karamazov qardaşları”nı qadağan ediblər

Küveyt rəsmiləri ədəbiyyat festivalında rus yazıçısı Fyodor Dostoyevskinin də kitabı daxil olmaqla 1000-ə yaxın kitabı qara siyahıya salıb. The Guardian yazır ki, Küveyt beynəlxalq ədəbiyyat festivalının rəhbəri Saad al-Anzi informasiya nazirliyinin Dostoyevskinin “Karamazov qardaşları” əsərini qadağan olunan 948 kitabın siyahısına daxil edib. O, əsərin qara siyahıya salınmağını həm də məzmunundakı mənəviyyat, azad istək və tanrının mövcudluğu məsələlərinin yer almağı ilə əsaslandırıb.

Nazirlik ümumilikdə 4 min kitabı qara siyahıya salıb, bunların arasında Viktor Hüqonun “Notr Dam kilsəsinin qozbeli” və Qabriel Qarsia Markezin “Yüz ilin tənhalığı” əsərləri də var.

Mühafizəkar siyasətin yürüdüldüyü Küveytdə aktivistlər sentyabr ayında senzuranın güclənməsi əleyhinə iki dəfə etiraz aksiyası keçirib.