Milli Dirçəliş günü Şəhidlər Xiyabanına yürüş zamanı saxlanılan AXCP fəallarından 3 nəfərə bu gün Səbail rayon məhkəməsinin qərarı ilə 20 sutka həbs cəzası verilib. Ağababa Cəfərov, Ruslan Əmirov və Cavid İbrahimov polisə müqavimət göstərməkdə təqsirli bilinib.
Nə baş verib: Noyabrın 17-i Milli Dirçəliş günü münasibətilə Şəhidlər Xiyabanına yürüş edən 52 AXCP və Milli Şura fəalı saxlanılıb. Milli Şura sədri Cəmli Həsənli və AXCP sədri Əli Kərimli Səbail rayon Polis İdarəsinə aparılıb. Cəmil Həsənli və fəalların bir qismi həmin gün sərbəst buraxılıb. Əli Kərimli və digər fəalların bu gün Səbail rayon Məhkəməsində məhkəməsi baş tutub. Əli Kərimli 2500 AZN, digərləri isə 400-500 AZN məbləğində cərimələnib. Onlar İnzibati Xətalar Məcəlləsinin 513-cü maddəsi (toplantıların təşkili və keçirilməsi qaydasının pozulması) ilə təqsirli bilinib.
