Gəncə şəhərində yaşayış binasında partlayış olub və dağıntıların altında qalan 3 nəfər həlak olub.
Report yazır ki, “Füzuli” parkının yaxınlığında, Şahlar Hüseynov küçəsi, bina 13-də baş verən partlayış nəticəsində 3-cü blokun bir hissəsi çöküb.
Hadisə yerində olan fövqəladə hallar naziri Kəmaləddin Heydərovun sözlərinə görə, hadisədə ağır yaralanan bir hərbçi hospitaldadır. Fövqəladə hallar nazirinin müavini Etibar Mirzəyevin verdiyi məlumata görə, binadakı sakinlər köçürüləcək, onlar üçün yeni bina tikiləcək.
