Abel Məhərrəmov deyir ki, elm zirvəsinə qalxanlara dəyər vermək lazımdır
Abel Məhərrəmov Zərifə Əliyevanın məzarına gül qoyur. Foto: Report
Bakı Dövlət Universitetinin (BDU) sabiq rektoru Abel Məhərrəmov vəzifəsindən azad olunmağı barədə danışıb. Report yazır ki, keçmiş rektor yazılanları həqiqəti əks etdirmədiyini deyib:
“Prezident İlham Əliyevin sərəncamı müzakirə olunmur, icra olunur. Əfsuslar olsun ki, bəzi mətbuat orqanları mənim Bakı Dövlət Universitetinin rektoru vəzifəsindən azad olunmağımı şouya çevirmək istəyirlər, bu da düzgün deyil. Ziyalılığı, milli mentalitetimizi qorumaq lazımdır. Elm zirvəsinə qalxan adamlara dəyər vermək lazımdır”.
“20 ilə yaxın idi ki, Bakı Dövlət Universitetinin rektoru vəzifəsində çalışmışam. Bu müddətdə şərəflə, ləyaqətlə işləmişəm. Amma indi məsləhət oldu ki, bir qədər də istirahət edim” – Abel Məhərrəmov deyib.
Nə baş verib: BDU-nun keçmiş rektoru Abel Məhərrəmov noyabrın 15-i prezidentin sərəncamı ilə vəzifəsindən azad olunub.
