Arif Hacılı Əbülfəz Sadıqbəylinin həbsi ilə bağlı ilkin məlumatı açıqlayıb

Müsavat başqanı Arif Hacılı “Məhsul” stadionunda keçirilən mitinqdə. Foto: Turan

Müsavat başqanı Arif Hacılı Əbülfəz Sadıqbəylinin həbs səbəbi ilə bağlı bastainfo-ya ilkin məlumatı verib.

“Aldığım ilkin məlumata görə, Əbülfəz Sadıqbəyli bir neçə il bundan əvvəl alınmış və haqqı “Nikoyl” banka ödənilmiş avtomobillə bağlı qaldırılmış cinayət işi ilə əlaqədar həbs edilib. Avtomobilin kredit haqqının ödənilməsi barədə bank sənədləri var. İstintaq zamanı bildirilib ki, bank tərəfindən bu sənədlər verilərkən saxtakarlığa yol verilib. Bank tərəfindən belə saxtakarlıq halları kütləvi xarakter alıb. Əbülfəz Sadıqbəyli bu işdə şahid kimi dindirilib. Onun Müsavat Gənslər Təşkilatının sədri olduğu istintaqa bəlli olduqdan sonra işin ona qarşı yönəldilməsinə cəhd edilir”.

Müsavat başqanı Ə. Sadıqbəylinin həbsini digər siyasi fəallara qarşı bundan əvvəl irəli sürülən ittihamlar kimi absurd hesab edib.

“Hakimiyyətin Müsavat Partiyasına qarşı apardığı qanunazidd fəaliyyətin davamıdır. Müsavat Gənclər Təşkilatının sədri Əbülfəz Sadıqbəyli dərhal azad edilməlidir”.

Nə baş verib: Bu gün Müsavat Partiyası Gənclər Təşkilatının sədri Əbülfəz Sadıqbəyli Səbail Rayon Məhkəməsinin qərarı ilə barəsində 3 aylıq həbs-qətimkan tədbiri seçib.

Şərhini yaz

Şərhinizi yazın
Adınızı daxil edin