Donald Tramp jurnalistlərə açıqlama verir. Foto: Manuel Balce Ceneta / AP

ABŞ prezidenti Donald Tramp Səudiyyə Ərəbistanı ilə iqtisadi münasibətlərinin davam edəcəyini açıqlayıb. Anadolu Agentliyi yazır ki, prezident Ağ Evdə jurnalistlərə Səudiyyə Ərəbistanla münasibətləri barədə açıqlama verib.

“100 milyardlarla dollardan imtina edə bilmərik. Əgər imtina etsək onda neftin qiyməti xeyli artacaq” – Tramp deyib.

ABŞ prezidenti hesab edir ki, Səudiyyə Ərəbistanı ilə əldə olunan anlaşmalardan imtina etmək axmaqlıq olar:

“Əgər ABŞ silah satışını lığv etsə, onda Səudiyyə Ərəbistanının bu ehtiyacını Rusiya və Çin qarşılayacaq. Bu situasiya da həmin ölkələri xoşbəxt edəcək. Bu, onlara ABŞ-dan hədiyyə olar”.