Məhəmməd Mirzəli və yeznəsi Elman Ağayev. Foto: şəxsi arxiv / facebook. Kollaj: mikroskop media

Fransada mühacirətdə olan azərbaycanlı blogger Məhəmməd Mirzəlinin yaxın qohumu Elman Ağayev 2 ay müddətinə həbs edilib.

Binəqədi rayon Məhkəməsinin qərarı ilə E.Ağayev İnzibati Xətalar Məcəlləsinin 206-cı maddəsi (Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi) ilə təqsirli bilinib.

M.Mirzəli qohumunun həbsinin onun siyasi fəaliyyəti ilə bağlı olduğunu deyir.

Nə baş verib: Məhəmməd Mirzəlinin bacısının həyat yoldaşı Elman Ağayev ötən gün axşam saatlarında həbs olunub. Onun nə ilə ittiham olunduğu bu gün məlum olub.

  • Bloggerin qohumu bu ilin fevralında da polisin əmrinə tabe olmamaqda ittiham olunaraq həbs olunub. M.Mirzəlinin qohumu və ailə üzvləri ondan əvvəl də təzyiqlərə məruz qalıb. Polis onlardan bloggerin hakimiyyət əleyhinə tənqidlərini dayandırmağı tələb edib.

Şərhini yaz

Şərhinizi yazın
Adınızı daxil edin