Məhkəmə AXCP fəallarını həbsdə saxlayıb

Milli Dirçəliş Gününün 30 illiyilə əlaqədar Şəhidlər Xiyabanını ziyarət etmək istəyən zaman saxlanılan AXCP üzvlərinin apelyasiya şikayəti təmin edilməyib.

Noyabrın 19-da Səbail Rayon Məhkəməsinin qərarı ilə 20 sutka həbs edilən Ruslan Əmirov, Cavid İbrahimov və Ağababa Cəfərov həbsdə qalıb.
Fəallar Avropa Məhkəməsinə şikayət edəcəklərini bildiriblər.

Nə baş verib: Noyabrın 17-i Milli Dirçəliş günü münasibətilə Şəhidlər Xiyabanına yürüş edən 52 AXCP və Milli Şura fəalı saxlanılıb. Milli Şura sədri Cəmli Həsənli və AXCP sədri Əli Kərimli Səbail rayon Polis İdarəsinə aparılıb. Cəmil Həsənli və fəalların bir qismi həmin gün sərbəst buraxılıb. Əli Kərimli və 7 fəal müxtəlif məbləğlərlə cərimə edilib. 3 nəfər isə Səbail rayon məhkəməsinin qərarı ilə 20 sutka həbs cəzası alıb. Onlar polisə müqavimət göstərməkdə təqsirli bilinib.

Şərhini yaz

Şərhinizi yazın
Adınızı daxil edin