Əmək və Əhalinin Sosial Müdafiəsi Nazirliyi 223 şəhid hərbi qulluqçunun 304 vərəsəsinə birdəfəlik ödəmənin (11 min manat) verilməsinə dair qərar qəbul edib. Report yazır ki, bu barədə qərarı nazirlikdə fəaliyyət göstərən Komissiya verib.
Komissiyanın sədri, əmək və əhalinin sosial müdafiəsi naziri Sahil Babayev deyib ki, fərmanın icrası işləri davam etdirilir.
Nazirin sözlərinə görə, vərəsələrə ödənişlər bank hesabına köçürülmə ilə verilir.
Cəmi neçə nəfər ödənişi alıb: Komissiya bu günə qədər 447 hərbi qulluqçunun 585 vərəsəsinə ödəmənin verilməsi barədə qərarlar qəbul edib və onlara müvafiq vəsaitin ödənişi həyata keçirilir.
Nə baş verib: Prezident İlham Əliyev 2018-ci il aprelin 19-da fərman imzalayıb ki, müavinət 1997-ci il avqustun 2-dək ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların vərəsələrinə verilir. Qərarın icrasına isə Əmək və Əhalisinin Sosial Müdafiəsi Nazirliyi oktaybrın əvvəlindən başlayıb.
