Fransanın paytaxtı Parisdə yanacaq növlərinin qiymətinin bahalaşması əleyhinə keçirilən aksiyalar davam edir. AP yazır ki, polis aksiya iştirakçılarına qarşı göz yaşardıcı qazdan istifadə edib. Yollarda hərəkəti məhdudlaşdıran aksiya iştirakçıları “Vergilərə ölüm”, “Makron – istefa!” şüarları səsləndirib və maşınları aşırıblar.
https://www.instagram.com/p/BqkTJxTAgcr/
Aksiyalar zamanı yaralananların olub-olmadığı barədə məlumat yoxdur, 18 nəfərin isə saxlanıldığı bildirilir.
“Sarı jiletlər” adını alan hərəkata qatılanlar işığı əks edən sarı örtük geyinir.
21 yaşlı etirazçı Benjamin Vrignaud AP-ə açıqlamasında deyib:
“Belə görünür ki, bu vətəndaş müharibəsi üçün səbəb olacaq və bir çox vətəndaş kimi mən də buna hazıram”.
Rəsmilərin verdiyi məlumata görə, aksiyalarda ümumilikdə 23 min adam iştirak edib və onlar etirazçıların vahid liderinin olmamağından narahatdır.
Aksiyalar Parisdə ictimai nəqliyyatın hərəkətini məhdudlaşdırıb, şəhər mərkəzindəki bəzi metro stansiyaları bağlanıb.
