Rusiya Krım körpüsünun altında gəmi yerləşdirib. Foto: AP
Avropa Komissiyası Rusiyanı Krım yaxınlığında ələ keçirdiyi və Ukraynaya məxsus 3 hərbi gəmini buraxmağa çağırıb. Euronews yazır ki, qurumun sözcüsü Marqaritis Şinas bu məsələyə çox ciddi yanaşdıqlarını deyib.
Avropa Birliyi Şurasının prezidenti Donald Task da Rusiyanın addımını qınayıb və gəmiləri sərbəst buraxmağı tələb edib. Task deyib ki, o, Ukrayna prezidenti Pyotr Poroşenko ilə telefonla danışıb və bu gün ukraynalı nümayəndə heyətini qəbul edəcək. Avropa Birliyini bu məsələdə Ukraynanı dəstəklədiyini əlavə edib.
Rusiya nə deyir: Rusiya Xarici İşlər Nazirliyi baş verənləri rəsmi Moskvaya qarşı sanksiyaları artırmaq üçün məqsədyönlü şəkildə edilən plan kimi qiymətləndirib. Onlar Ukraynanı Rusiya sərhədini pozmaqda ittiham edir.
