Əmək və Əhalinin Sosial Müdafiəsi Nazirliyində İlham Əliyevin şəhid olan hərbi qulluqçuların vərəsələrinə birdəfəlik 11 min manatın verilməsi ilə bağlı növbəti iclas keçirilib.
Nazirlikdən “Report”a verilən məlumata görə komissiya daha 161 şəhid hərbi qulluqçu üzrə 240 vərəsəyə birdəfəlik ödəmənin verilməsinə dair qərar qəbul edib.
Bu günədək artıq 608 şəhid hərbi qulluqçu üzrə 825 vərəsəyə birdəfəlik ödəmənin verilməsi üçün qərarlar qəbul olunub. Bundan başqa qanuni qüvvəyə minmiş məhkəmə aktları əsasında 473 şəhid hərbi qulluqçu üzrə 474 vərəsə də ödənişlə təmin olunub.
