Pyotr Poroşenko. Foto: president.gov.ua

Ukrayna prezidenti Pyotr Poroşenko Rusiya ilə aralarındakı böhranın irimiqyaslı müharibəyə çevrilə biləcəyini deyib. Euronews yazır ki, yerli televiziya kanalında çıxış edən prezident bunun zarafat və ya oyun olmadığını vurğulayıb:

“İstəmirəm kimsə düşünsün ki, bu oyundur, ya da zarafat. Ukrayna Rusiyanın ciddi müharibə təhdidi altındadır. Rusiya sərhəddə hərbi birliklərin sayını xeyli artırıb, rus tanklarının sayı orada 3 dəfə artıb”.

Rusiya Müdafiə Nazirliyinin açıqlamasına görə, Krımda S-400 müdafiə sistemi yerləşdiriləcək. Bu sistem ilin sonuna qədər aktivləşdiriləcək.

Nə baş verib: Noyabrın 25-i Rusiya Azov dənizində, Kerç boğazında Ukraynaya məxsus 3 hərbi gəmini şəxsi heyətlə birlikdə ələ keçirib. Bundan sonra iki ölkə arasında böhran yaranıb. Rəsmi Moskva Ukraynaya məxsus hərbi gəmilərin onun sərhədini pozduğunu açıqlayıb.

  • Ukraynada 30 günlük hərbi vəziyyət elan edilib.

Şərhini yaz

Şərhinizi yazın
Adınızı daxil edin