Umayra Tağıyeva. Foto: Report

“Avropa ölkələrində plastik torbalardan istifadənin məhdulaşdırılması istiqamətində əsas tədbir kimi plastik torbaların ödənişli olması və ya ekoloji vergi tətbiqindən istifadə edilir”.

Bunu Reporta müsahibəsində Ekologiya və Təbii Sərvətlər Nazirliyində şöbə müdiri Umayra Tağıyeva deyib. O deyib ki, Azərbaycanda Dövlət Statistika Komitəsinin məlumatlarına əsasən adambaşına ildə 24 kq plastik tullantı əmələ gəlir. 2009-cu ilə görə plastik torbaların ölkədə istehsalı 2 dəfəyə qədər, bu məhsulların ölkəyə idxalı isə 5 dəfəyə qədər artıb.

Şöbə müdiri deyib ki, Ekologiya və Təbii Sərvətlər Nazirliyinin gələn ildən başlayaraq ticarətdə plastik torbaların ödənişli olması ilə bağlı müvafiq işlər gördüyünü və yaxın zamanda ölkədə birdəfəlik istifadə olan 20 mikrona qədər plastik torbaların istifadəsinin qadağan olunması nəzərdə tutulur.

“Düşünürük ki, bu addımlar problemin həlli istiqamətində irəliləyişin əldə olunmasına, atmosfer havasının əlavə çirklənməməsinə və insan səhəti üçün yarana biləcək fəsadların azaldılmasına gətirəcək. Hər bir insanın təmiz ətraf mühitdə yaşamaq hüququ varsa, deməli heç bir insanın da bu ətraf mühiti çirkləndirmək hüququ yoxdur”.

Şərhini yaz

Şərhinizi yazın
Adınızı daxil edin